Hafa samband STYRKJA KRAFT Karfan er tóm

Styrkja félagið

Reikningur Neyðarsjóðsins

Ef þú vilt styrkja neyðarsjóð Krafts er hægt að leggja inn á reikning í Arion banka 322-13-303318, kennitala Krafts er 571199-3009.

Reikningur Krafts

Ef þú vilt styrkja félagið með peningagjöf er hægt að leggja inn á reikning í Arion banka 327-26-112233, kennitala Krafts er 571199-3009.

Minningarkort

Ef þú vilt senda minningarkort og styrkja starfsemi Krafts um leið þá er hægt að gera það með því að smella hér. Þú flyst þá sjálfkrafa yfir á heimasíðu Krabbameinsfélags Íslands.

Instagram#krafturcancer

Lífið er núna !
Upplifum, Lifum, Brosum og Fögnum litlu og stóru sigrunum.
Ný styrktarvara var að líta dagsins ljós.. Settu punktinn yfir i-ið í veislunni, kaffiboðinu eða bara hvaða tilefni sem er 🥂 Linkur í bio!!! #lífiðernúna #kraftur #upplifun

Gefðu gjöf sem hjálpar öðrum! Styrktarkort

Gefðu gjöf sem hjálpar öðrum!
Styrktarkort Krafts er tilvalin gjöf við alls kyns tækifæri þar sem þú getur glatt góðan ástvin eða félaga og um leið gefið styrk til félagsins í hans nafni. Með því að kaupa styrktarkort styrkir þú Kraft sem styður við bakið á ungu fólki sem greinst hefur með krabbamein og aðstandendum.
Kortin eru hönnuð og prentuð af @reykjavikletterpress

#lífiðernúna #kraftur #styrktarkort #gjöfsemgefur

Já, maður þarf svo sannarlega að fagna litlu s

Já, maður þarf svo sannarlega að fagna litlu sigrunum og hafa húmorinn að leiðarljósi til að koma sér í gegnum erfiða tíma 😉
Kvótið er frá einum af okkar félagsmönnum sem birtist í bókinni LífsKrafti sem er bók með hagnýtum upplýsingum til þeirra sem sem greinast með krabbamein og aðstandenda.
Bókina getur þú fengið endurgjaldslaust og hægt að panta hér 👉 https://kraftur.org/vara/lifskraftur-fokk-eg-er-med-krabbamein/ 👈
#lífskraftur #fokkégermeðkrabbamein #jafningjafræðsla #kraftur #ungtfólkogkrabbamein

Þessi hjartahlýji hjólagarpur @bergurdvergur hj

Þessi hjartahlýji hjólagarpur @bergurdvergur hjólaði 500 km um óbyggðir Alaska og safnaði áheitum fyrir Kraft í leiðinni. Safnaði hann 400.000 kr. sem hann lét renna til FítonsKrafts sem er endurhæfingarhópur fyrir unga krabbameinsgreinda í formi hreyfingar og útivistar. Á sama tíma og við þökkum honum fyrir þennan rausnarlega stuðning að þá óskum við honum til hamingju með þennan ótrúlega árangur....fyrstur Íslendinga 🧡
#hjólaðfyrirkraft #kraftur #lífiðernúna #ungtfólkogkrabbamein

Nýr þáttur er mættur á helstu hlaðvarpsveitu

Nýr þáttur er mættur á helstu hlaðvarpsveitur - Grípur kerfið þig í veikindum? 🎧

Þegar þú greinist með krabbamein áttu ekki að þurfa að hugsa “shit hef ég efni á þessu”? @lindasaeberg segir okkur frá sinni reynslu en hún bjó úti á landi þegar hún greindist með krabbamein og þurfti að sækja meðferð til Reykjavíkur sem reyndist mjög kostnaðarsamt.
Er þetta síðasti þáttur í þessari seríu - en ekki örvænta fleirri þættir eru á leiðinni 🙌
👉 Linkur í bio 👈
#fokkégermeðkrabbamein #podcast #hlaðvarp #heimavistinmeðkrafti #lífiðernúna #kraftur

Takk @tinnaeir fyrir að deila þinni reynslu 🧡

Takk @tinnaeir fyrir að deila þinni reynslu 🧡 Gangi þér sem allra best

#Lífiðernúna #kraftur #kraftskonamánaðarins #deilumreynslunni #hvunndagshetja #instagramtakeover

Ég hef verið dugleg að hlúa að sjálfri mér

Ég hef verið dugleg að hlúa að sjálfri mér andlega og gera hluti sem ég hefði auðveldlega getað farið á mis við. Eitt skýrasta dæmið er kannski þegar ég fór þrátt fyrir allt til Egyptalands í upphafi ferlisins, en það er auðvitað ekki allt á þeim kalíber. Þetta snýst svo mikið um litlu hlutina, hvernig ég hef farið út úr húsi þegar ég hefði helst viljað liggja heima en fundið að það gerði mér gott. Bara það að fara fram úr á morgnana og byrja daginn í stað þess að bíða hann af mér hefur oftar en ekki munað öllu. Það að ég sé í veikindaleyfi hefur heldur ekki haldið mér frá vinnustaðnum, því það er leitun að meira heilandi andrúmslofti og félagsskap en einmitt þar svo ég hef ósjaldan setið þar í kaffi dágóða stund. Ég fer reglulega í endurhæfingu í Ljósinu og hef náð að rifja upp gömul áhugamál og opnað fyrir nýja færni. Á sama tíma og þetta hefur tekið mikið á andlega hef ég haft tíma til að hugsa og endurmeta svo margt. Eins og ég byrjaði á að nefna hef ég allan tímann valið mér viðhorf sem hafa létt undir svo um munar og þegar ég lít um öxl og reyni að rifja upp hvað ég hef gert til að láta mér líða vel held ég að það ætti síst að líta framhjá því. Líkaminn minn lítur öðruvísi út en hann segir líka svo fallega sögu. Þegar ég horfi á örin mín sé ég ekki aðeins styrkinn minn heldur líka styrk allra þeirra sem hafa hjálpað mér í gegnum þetta. Ég á mörgu heilbrigðisstarfsfólki líf mitt að launa og það sama má segja um þá sem standa mér næst í hjartanu. Þegar upp er staðið hef ég fyrst og fremst látið mér líða vel með því að iðka þakklæti.
#Lífiðernúna #deilumreynslunni #kraftur #instagramtakeover #kraftskonamánaðarins
#hvunndagshetja

Það hafa margir reynst mér vel og vinátta hefu

Það hafa margir reynst mér vel og vinátta hefur öðlast svolítið breytta merkingu hjá mér. Stuðningur í verki hefur stundum komið úr óvæntum áttum á meðan hann var minna áberandi þar sem hans var helst að vænta. Ég á þétt stuðningsnet í fjölskyldunni minni og auk sona minna, sem minna mig á að lífið er svo sannarlega núna, ber þar helst að nefna manninn minn, mömmu, bróður minn og tengdaforeldra. Mér hefur verið það sérstaklega hugleikið hvaða áhrif þessi veikindi hafa haft á drengina mína og hvað ég hef notið mikilvægs stuðnings í uppeldinu frá tengdaforeldrum mínum en við búum hjá þeim á meðan við erum að koma húsnæðinu okkar í stand. Ég er svo heppin að vera umkringd ýmiss konar heilurum í fjölskyldunni. Auk þess að hafa sjálf reynslu af sambærilegum veikindum er mamma mín til dæmis hjúkrunarfræðingur og hefur ekki síður reynst mér vel sem slík. Bróðir minn er besti nuddari norðan Alpafjalla og hefur verið örlátur á tímann sinn og passað upp á að nudda mig reglulega, boðið mér í flot og spa og fleira í þeim dúr. Þá er tengdapabbi minn Mahikari ljósgjafi og gefur mér reglulega ljós. Hann starfar líka sjálfur við rannsóknir á brjóstakrabbameini svo nú eigum við nýtt sameiginlegt áhugamál.
Skólastýrurnar á Laufásborg hafa staðið þétt við bakið á mér allan tímann og síðast en ekki síst fann ég ofboðslega dýrmætan jafningjastuðning í Krafti og Ljósinu. Þar hef ég ekki aðeins eignast frábærar vinkonur heldur hefur Aðalgeir Emil líka sótt barnanámskeið í Ljósinu og kynnst þar fleiri börnum í svipuðum sporum.
#Lífiðernúna #deilumreynslunni #kraftur #instagramtakeover #kraftskonamánaðarins
#hvunndagshetja

© 2017 KRAFTUR - Skilmálar fyrir netverslun

Hannað og kóðað af Vefgerðinni