Lífið er núna helgi Krafts í Skagafirði.
14. apríl - 16. apríl
Ekki láta þessa helgi fram hjá þér fara – um er að ræða endurnærandi og ævintýralega helgi meðal jafningja, dagana 14. til 16. apríl þar sem gist verður á Hlín guesthouse. Lífið er núna helgin er endurnærandi og uppbyggjandi helgi fyrir félagsmenn Krafts þar sem þú færð tækifæri á að læra það hvernig þú getur tekist á við breyttar aðstæður í þínu lífi og kynnast öðrum í svipuðum sporum. Helgin er bæði hugsuð fyrir krabbameinsgreinda sem og aðstandendur.
Takmarkað pláss er í boði svo um að gera að tryggja sér pláss sem fyrst með því að skrá sig hér!
Þátttökugjaldið fyrir helgina er 3500 kr. á mann og er gisting, allur matur og dagskrá innifalið.
„Þessi helgi var ómetanleg fyrir okkur sem par“, sagði aðstandandi krabbameinsgreindrar konu sem komu á eina Lífið er núna helgi.
Lífið er núna helgin er endurnærandi helgi fyrir félagsmenn Krafts þar sem við njótum þess að vera saman í fallegu umhverfi og byggjum okkur upp líkamlega og andlega.
Föstudagur
- 16:00 – Mæting á Hlín Guesthouse og fá herbergi úthlutað (Rósanna og Viðar taka á móti hópnum í uppgerðum Steinsstaðaskóla þar sem þau reka gistiheimilið sitt í Skagafirði í fallegri og endurnærandi náttúru og eru huggulegir heitir pottar á svæðinu.
- 17:30 – Stefán Magnússon (Stebbi) framkvæmdastjóri Krafts, opnar helgina í matsalnum
- ❖Hvað viljið þið taka með ykkur úr helginni ❖ Setjið ykkur ásetning/markmið fyrir helgina ❖ Kynnumst og hristum hópinn saman.
- 18:00 – Notaleg stund í eldhúsinu, þar sem Anna Soffia Þórðardóttir meistarakokkur fer yfir matseðil helgarinnar.
- 20:00 – Kvöldmatur ala Anna Soffía!
- 21:00 – Sögustund og spilakvöld
Laugardagur
- 10:00 – Morgunmatur ala Anna Soffía!
- 11:00 – Öndun og léttar æfingar í umsjá Aðalheiðar Jensen frá Primal Iceland.
- 13:00 – Hádegismatur ala Anna Soffía!
- 14:00 – Sigríður Halldórsdóttir prófessor við Háskólann á Akureyri fræðir okkur um ónæmiskerfið. Hvernig við styrkjum það og hvernig á að vera sterkari gegn streitu og álagi.
- 16:30 – Ganga og útivist
- 17:30 – Afslöppun og/eða pottatími
- 19.00 – Kvöldmatur ala Anna Soffía!
- 21:00 – Kvöldvaka
Sunnudagur
- 10:00 – Morgunmatur ala Anna Soffía og samantekt eftir helgina.
- 13:00 – “Check-out”
Nánari upplýsingar í gegnum kraftur@kraftur.org.
Endilega heyrið í okkur í síma 866-9600 eða með því að senda póst á kraftur@kraftur.org ef þið hafið ekki kost á að keyra ykkur sjálf á áfangastað, við reynum þá að finna út úr því með ykkur
