Hafa samband STYRKJA KRAFT Karfan er tóm

Servíettur og tækifæriskort

Sýnir 7 niðurstöður

Instagram#krafturcancer

"Andleg líðan var sveiflukennd en mest megnis góð meðan ég var í meðferðinni. Ég lauk lyfjameðferð í æð 22.október 2020 og fór svo í keisaraskurð og brjóstnám um mánuði seinna, 19.nóvember 2020, þá gengin 35 vikur og 5 daga. Við lágum inni í 1viku á Meðgöngu og sængurlegudeildinni (vinnustaðnum mínum) þar sem var dekrað svoleiðis við okkur, en lillan þurfti smá aðstoð og var því á vökudeildinni en jafnaði sig fljótt.
Lyfjameðferðin drap allt krabbamein, æxlið var farið, ekkert fannst í eitlunum sem voru teknir og lungun eru hrein. Ég hef verið á töflumeðferð (Ecansya) frá því í janúar 2021, fyrirbyggjandi meðferð og verð eins lengi og líkaminn minn þolir skilst mér, en ég tek þau í 3 vikna lotum, fer í blóðprufu í upphafi lyfjahrings, er 2 vikur á lyfjum, vika í frí. Ég þoli lyfin nokkuð vel ennþá og vona að það verði áfram þannig.
Ég hef farið á 3mánaða fresti í myndrannsóknir til að fylgjast með (4x 2021) og hef verið laus við krabbameinið frá meðferðinni og vona innilega að það haldist þannig áfram🙏🏻🙏🏻"

#hvunndagshetja #deilumreynslunni #instagramtakeover #lífiðernúna #kraftur #ungtfólkogkrabbamein
@evaberglind

"Ég fékk lítinn tíma til að meðtaka þetta því bara viku eftir að ég fæ greininguna, 23.júlí 2020, er ég byrjuð í kröftugri háskammta krabbameinslyfjameðferð í æð. Ég átti upphaflega að fá tvískipta meðferð eins og oftast tíðkast, 4skipti EC og 4skipti Taxotere með tveggja vikna millibili. Ég endaði þó á að fá 7skipti EC og ekkert taxotere, en meðferðin var að fara þokkalega í mig og barnið og krabbameinið að snarminnka svo læknarnir vildu ekki skipta yfir.
Ég varð ekki mjög veik af lyfjameferðinni, fann fyrir vægri ógleði en var búin að vera þannig alla meðgönguna svo ég átti erfitt með að gera greinarmun á því hvað væri hvað. Ég fann mest fyrir þreytu/slappleika og þyngslum yfir höfði/höfuðverk og var með töluverð slímhúðareinkenni í munni en allt mjög viðráðanlegt samt og leið heilt yfir þokkalega. Það var mikið prógram meðan á lyfjameðferðinni stóð, ég fluttist yfir í áhættumæðravernd á Landspítala þar sem mjög vel var haldið utan um mig en ég hitti Ljósmóðurina mína á 2 vikna fresti og hitti einnig fæðingarlækni/fór í sónar reglulega. Þessar tvær vikur milli meðferða liðu því mjöööög hratt og meðferðin í raun öll leið mjög hratt. Fyrri vikan eftir meðferðir fór í hvíld mestmegnis og seinni vikan var pökkuð af spítala heimsóknum, mæðravernd, blóðprufa, hitta krabbameinslækninn (alltaf daginn fyrir meðferð) og svo lyfjameðferð."

#hvunndagshetja #deilumreynslunni #ungtfólkogkrabbamein #lífiðernúna #instagramtakeover #kraftur
@evaberglind

"Ég greindist í júlí árið 2020, þrítugsár

"Ég greindist í júlí árið 2020, þrítugsárið mitt! Ég var gengin 17 vikur með annað barnið mitt þegar ég greinist með illkynja þríneikvætt brjóstakrabbamein í vinstra brjósti og holhönd. Ég hafði tekið eftir inndrætti undir vinstra brjóstinu einhverjum vikum áður, í maí, þá bara nokkrar vikur gengin og taldi þetta tengjast breytingum á brjóstunum vegna meðgöngunnar, en það var samt alltaf einhver efi um það aftast í huganum. Ég þreifaði reglulega brjóstið eftir þetta, standandi, en fann aldrei neitt óeðlilegt. Þann 12. júlí, að kvöldi til, ligg ég á bakinu og þreifa brjóstið mitt og finn þá frekar stórt grjót í brjóstinu og bólguhnút í holhöndinni vinstra megin, ég var með mjög stór brjóst og fann þess vegna ekki hnútinn þegar ég þreifaði standandi. Ég varð mjög hrædd því ég vissi að þetta boðaði ekki gott, ég var með 3 þætti sem einkenna brjóstakrabbamein, inndràttur undir brjósti, hnútur í brjóstinu og bólga í holhöndinni. Ég hringdi strax morguninn eftir á heilsugæsluna og fékk skynditíma hjá heimilislækni þar, hún þreifaði og fann hnútinn en reyndi að hughreysta mig með því að segja mér að meirihluti svona hnúta í brjósti væru góðkynja, en ég hafði vonda tilfinningu fyrir þessu. Ég fór í ómun og sýnatöku daginn eftir og fékk greininguna tveimur dögum seinna. Þetta gerðist allt mjög hratt! Þetta var einn stór tilfinninga rússíbani að greinast, mikil hræðsla, hræðsla um framtíðina, við að deyja, við veikindin, við meðferðina en á sama tíma svo svakalega óraunverulegt allt og erfitt einhvernvegin að ná utan um þetta! Verandi ófrísk líka gerði þetta allt erfiðara, hvað með barnið? Get ég fengið meðferð? Allskonar sem fer í gegnum hugann.
Ég komst svo að því 2-3 vikum seinna að það voru blettir í vinstra lunga en óvíst hvort um meinvörp var að ræða en svo hurfu þeir í meðferðinni svo þà voru þetta að öllum líkindum meinvörp og ég því greind með 4.stigs ólæknandi brjóstakrabbamein sem var og er hrikalegt áfall og mjög erfitt að sætta sig við. En ég er að reyna að læra að lifa með þessu."

#hvunndagshetja #instagramtakeover #deilumreynslunni #lífiðernúna #kraftur #ungtfólkogkrabbamein
@evaberglind

Eva Berglind verður með Takeover næstu daga á

Eva Berglind verður með Takeover næstu daga á Instagraminu okkar og í dag ætlar hún að vera einnig með Instastory þar sem hún ætlar að deila sinni reynslu.
Við bjóðum Evu velkomna til leiks.
"Ég heiti Eva Berglind og er 31 àrs gömul. Ég á tvö börn, Daníel Erik 5 ára og Sóleyju Evu 11 mánaða. Ég er hjúkrunarfræðingur og Ljósmóðir, útskrifuð sem ljósmóðir vorið 2019. Ég er núna í veikindaleyfi/fæðingarorlofi en ég er að vinna á meðgöngu og sængurlegudeildinni á Landspítala og elska vinnuna mína þar. Ég stefni klárlega á að vinna við fæðingarnar einhverntíman líka, það er draumur sem mér finnst ég klàrlega verða að elta eftir að hafa gegnið í gegnum þessa erfiðleika síðasta árið. Ljósmæðra starfið er mjög fjölbreytt, krefjandi og einstaklega gefandi starf."

#lífiðernúna #instagramtakeover #hvunndagshetja #deilumreynslunni #ungtfólkogkrabbamein #kraftur

Á morgun verður hún Eva Berglind með Instagram

Á morgun verður hún Eva Berglind með Instagram Takeover og ætlar að deila með okkur sinni sögu og hvernig það er að vera ung og greinast með krabbamein.
Einnig ætlar Eva að skella sé á Kröftuga kvennastund í Hörpu þar sem nokkrir kvennskörungar koma saman og deila því hvernig þeir hafa tekist á við áskoranir í sínu lífi...

Við hlökkum til að fylgjast með

#instagramtakeover #hvunndagshetja #lífiðernúna #ungtfólkogkrabbamein #kraftur #deilumreynslunni #kröftugkvennastund

@evaberglind

Í tilefni af Bleikum október verður Kraftur með kröftuga kvennastund í Hörpu fimmtudaginn 21. október milli klukkan 17:00 og 19:30. Við fáum kraftmiklar konur til að deila reynslu sinni, hvert þær sækja sinn styrk og hvernig þær hafa tekist á við áskoranir hvort sem er í starfi eða persónulega lífinu.

Frú Vigdís Finnbogadóttir, fyrrverandi forseti Íslands og verndari Krabbameinsfélagsins, setur Kvennastundina

Fram koma:
🎗Lára Guðrún Jóhönnudóttir, hvunndagshetja @bleikaslaufan 2021.
🎗G. Sigríður Ágústsdóttir, Sirrý snjódrífa.
🎗Anna Dröfn Sigurjónsdóttir
🎗Eliza Reid, forsetafrú og frumkvöðull.
🎗Ragnheiður Guðmundsdóttir les upp úr nýútgefinni ljóðabók sinni - PTSD - ljóð með áfallastreitu

🎗Fundarstjórn: Ingileif Friðriksdóttir og María Rut Kristinsdóttir, baráttukonur í réttindabaráttu hinsegin fólks.

Ókeypis er á viðburðinn en skráning er nauðsynleg. Sjá link í bio🔗

@larayoh @g.sigridur @annadrofn @elizajeanreid @raggagudmund @ingileiff @mariarut
#kraftur #kröftugkvennastund #bleikuroktóber #bleikaslaufan #konurogkrabbamein #lífiðernúna

Takk fyrir okkur 🧡 Nura A. Rashid og Chandrika

Takk fyrir okkur 🧡
Nura A. Rashid og Chandrika Gunnarsson færðu Krafti nýverið 250.000 króna styrk. Styrkurinn safnaðist á Góðgerðarkvöldi @nurarashid75 sem var haldið í lok september á @austurindia . Austur-Indíafélagið lagði rausnarlegt framlag einnig á móti þar sem málefnið er þeim skylt.

Styrkurinn verður notaður til að búa til fræðsluefni fyrir fólk af erlendu bergi brotnu sem hefur flust til Íslands. Það efni geti nýst fólki til að vita hvert það getur leitað, hvaða rétt þau hafa og hvaða stuðningur er í boði þegar krabbamein er annars vegar, bæði fyrir þá sem greinast en ekki síður fyrir aðstandendur.
#kraftur #lífiðernúna #nura10

Sýnum samstöðu á bleika deginum og klæðumst

Sýnum samstöðu á bleika deginum og klæðumst BLEIKU, berum @bleikaslaufan og lýsum upp skammdegið bleikum ljóma svo allar konu sem greinst hafa með krabbamein finni stuðning okkar og samatöðu💕 Við í Krafti erum að sjálfsögðu í bleiku frá toppi til táar í dag 😊 #bleikidagurinn #bleikaslaufan #verumtilstaðar

© 2021 KRAFTUR - Skilmálar fyrir netverslun

Hannað og kóðað af Vefgerðinni

Rekið og þjónustað af PREMIS