Skip to main content

Stuðningsfélag fyrir ungt fólk sem greinst hefur með krabbamein og aðstandendur

Hafa samband
Styrkja Kraft
Opnunartími

Tungumal

search

FRÆÐSLA
FÉLAGIÐ
ÞJÓNUSTA
FRÉTTIR
Dagskrá
VEFVERSLUN
Tungumal
- English
- Polski

search
0

was successfully added to your cart.

Kraftur 1.tbl. 2026

Share Share Share Pin

Kraftur á Instagram

#krafturcancer

Helga Lára Haarde - nýr formaður Krafts - ritar 🧡🧡

Helga Lára Haarde - nýr formaður Krafts - ritar 🧡🧡🧡
Krafturinn innra með okkur öllum.
Nú þegar sólin hækkar á lofti og góðviðrisdögum fjölgar er auðvelt að láta hugann reika og hugsa um allt það góða sem íslenska sumarið hefur upp á að bjóða. En fyrir suma er staðan önnur, sum okkar þurfa að fást við nýlega greiningu á krabbameini eða áframhaldandi meðferð. Krabbamein fer nefnilega víst ekki í sumarfrí eins og við hin.
Það var einmitt á vormánuðum 2021 þegar ein af mínum bestu vinkonum greindist með krabbamein. Við erum sex æskuvinkonur sem höfum haldið hópinn síðan á grunnskólaárum. Það var eitt kvöld í maí sem við sátum saman þrjár úr hópnum og vinkona mín sagði okkur hinum tveimur frá því að hún væri búin að fá niðurstöður úr rannsóknum og að hún væri með brjóstakrabbamein. Þá óraði mig ekki fyrir því að einu og hálfu ári síðar yrði vinkona mín að játa sig sigraða í baráttunni og að hin sem sat með okkur þetta kvöld yrði einnig búin að fá krabbameinsgreiningu og það með ólæknandi krabbamein, mergæxli. Krabbamein, því miður, stendur okkur mörgum svo nærri og snertir flestar fjölskyldur og í minni fjölskyldu höfðu á þessum tíma bæði systir mín og pabbi minn greinst með krabbamein, sem þau hafa blessunarlega náð sér vel af.
Á þessum árum sem hafa liðið, hef ég fylgst með starfi Krafts af aðdáun, en þó alltaf úr ákveðinni fjarlægð. Ég hef fylgst með eftirlifandi eiginmanni vinkonu minnar takast á við sorgina af miklu æðruleysi og styðja stelpurnar þeirra í gegnum móðurmissinn. Ég hef einnig fylgst með vinkonu minni, sem lifir með ólæknandi krabbameini, takast á við lífið af sams konar æðruleysi. Þetta gríðarlega mótlæti hefur einmitt sýnt svo skýrt kraftinn sem býr innra með þeim. Ég hef líka séð hvað starfið í Krafti hefur reynst þeim vel og félagið tekið vel utan um þau. Pistilinn er hægt að lesa í heild sinni hér: https://kraftur.org/frettir/leidari-nys-formanns-krafts/

Safna fyrir kælihettum í nafni Laufeyjar Tinnu 🧡🧡🧡

Safna fyrir kælihettum í nafni Laufeyjar Tinnu 🧡🧡🧡 Laufey Tinna Guðmundsdóttir var 36 ára gömul þegar hún greindist með brjóstakrabbamein og háði hún erfiða baráttu við meinið í átta ár. Þann 13. febrúar síðastliðinn kvaddi Laufey þessa tilvist, ekki nema 44 ára gömul. Hún skildi eftir sig 12 ára gamlan son, fjölskyldu og heilan her af vinum. Í meðferðarferlinu fannst henni hvað erfiðast að missa hárið en á síðari stigum meðferðar notaði hún kælihettu til þess að koma í veg fyrir hármissi. Það var henni hjartans mál að aðrar konur gætu nýtt sér slíkar hettur sem eru fremur kostnaðarsamar. Þegar Laufey Tinna lést árið 2026 afþakkaði fjölskylda hennar blóm og kransa og vildi heldur fara af stað með fallegt verkefni í hennar nafni. Verkefnið ber heitið ,,Laufeyjar-lán”. Hér er hægt að lesa viðtalið í heild sinni: https://kraftur.org/frettir/safna-fyrir-kaelihettum-i-nafni-laufeyjar-tinnu/

Við hlökkum til að sjá ykkur í Reykjavíkurmaraþoni

Við hlökkum til að sjá ykkur í Reykjavíkurmaraþoninu!🏃‍♂️🏃‍♀️

Skráðu þig hér: https://www.rmi.is/hlaupastyrkur

Dagskrá júnímánaðar✨

Dagskrá júnímánaðar✨

Kraftur heimsótti húsakynni @sorgarmidstod og fékk

Kraftur heimsótti húsakynni @sorgarmidstod og fékk í leiðinni kynningu á þeirri frábæru starfsemi sem félagið heldur úti. Það er vert að vekja athygli á þessu mikilvæga félagi sem margir þurfa að nýta sér, einhvern tímann á lífsleiðinni. ,,Starfsemi Sorgarmiðsvöðvar lýtur fyrst og fremst að stuðningi, ráðgjöf, upplýsingaþjónustu og fræðslu til þeirra sem upplifa sorg eftir andlát ástvinar".

Það er okkur sönn ánægja að greina frá fallegu sam

Það er okkur sönn ánægja að greina frá fallegu samstarfi Krafts við Eldum rétt 💚🧡💚🧡

Árlega greinast um 90 ungir einstaklingar með krabbamein hér á landi og fá þeir afhendan gjafapoka frá Krafti. Gjafapokinn er okkar leið til þess að rétta fram höndina til þeirra sem gætu þurft á stuðningi okkar að halda. Pokinn inniheldur ýmsan varning sem getur nýst nýgreindum í erfiðum aðstæðum, svo sem fræðsluefni, handprjónaða ullarsokka, húfu, freyðitöflur frá Unbroken, húðvörur frá Gamla apótekinu og CeraVe, Storytel gjafabréf og „Lífið er núna“ armband.

Við höfum margoft fengið að heyra að fólk hálfpartinn lamist þegar það greinist með krabbamein og að matarsendingar hafi verið kærkomnar. Hins vegar hafa ekki allir stórt bakland eða mikið á milli handanna. Til að mæta þeirri þörf hefur Eldum rétt bæst í hóp dýrmætra samstarfsaðila og hefur gefið Krafti 90 gjafabréf til þess að setja í gjafapokana.

Við erum þakklát og meyr yfir velviljanum og að geta nú gefið nýgreindum heita máltíð þegar mest á reynir. Við vonum að það komi til með að létta undir <3

Var 25 ára þegar hún greindist með sortuæxli ☀️❤️‍

Var 25 ára þegar hún greindist með sortuæxli ☀️❤️‍🩹 (linkur á alla söguna í athugasemdum). Það var á sólríkum degi um miðjan maímánuð þegar við settumst niður með Hrafnhildi, 26 ára gamalli lögreglukonu og markverði Víkings í bestu deild kvenna í fótbolta. Líkt og sannir Íslendingar hófum við samtalið á veðrinu þann daginn. Framan af hafði Hrafnhildur verið mikill sólarunnandi, hún naut þess að fara í sólbað og fannst ekkert verra að uppskera með smá tani. Fyrir ári síðan snarbreyttist viðhorf hennar gagnvart sólböðum og má segja að hún líti sólina allt öðrum augum í dag.

Á vormánuðum 2025 greindist Hrafnhildur með húðkrabbamein, eða öllu heldur sortuæxli, á hægri handlegg sínum. Það var í janúarmánuði sama ár þegar hún fór að taka eftir breytingum á fæðingarbletti á upphandlegg hægri handar. Það vakti athygli hennar að fæðingarbletturinn breyttist í lit og lögun.

„Til að byrja með var fæðingarbletturinn að breytast í lögun og lit á tveggja vikna fresti. Mér fannst það alveg skrítið og ég fór að veita honum meiri athygli. Það var síðan eftir æfingaferð sem ég fór í með fótboltanum til Tenerife þar sem sólin var alltumlykjandi að ég fór að taka eftir enn ýktari breytingum. Hann var stundum upphleyptur og stundum ekki, breyttist mjög hratt og var nánast bara eins og einhver diskókúla. Þarna var ég komin með svolítið miklar áhyggjur.”

Á þessum tíma átti hún bókaðan tíma hjá húðlækni og hringdi þess vegna niður á Húðlæknastöð til að lýsa áhyggjum sínum og kanna í leiðinni hvort hún kæmist fyrr að. Úr varð að Hrafnhildur fékk tíma hjá Húðlæknastöðinni um viku síðar. Þar var henni tjáð að fæðingarbletturinn liti ekki svo illa út og að hún fengi sendar niðurstöður úr sýnatöku u.þ.b. tveimur vikum síðar. Hrafnhildur heyrði þó mun fyrr í lækninum sem upplýsti hana um stöðu mála. Við ræktun á sýnatöku hefðu fundist krabbameinsfrumur og Hrafnhildur því greind með sortuæxli. Hrafnhildur varð fyrir miklu áfalli við fréttirnar og var fljótlega send í aðgerð á hendi þar sem stórt svæði í kringum fæðingarblettinn var fjarlægt og sent í frekari ræktun til að útiloka enn frekari dreifingu.

Það er ánægjulegt að greina frá því að Kraftur stu

Það er ánægjulegt að greina frá því að Kraftur stuðningsfélag hefur sett á laggirnar sérstakan menntasjóð fyrir félagsfólk. Menntasjóðnum er ætlað að styrkja ungt fólk sem greinst hefur með krabbamein til náms 📚🎓 Með menntasjóðnum vill félagið hjálpa þessum viðkvæma hóp að fóta sig á ný í kjölfar veikinda og á að virka sem hvatning til náms og þess að öðlast færni sem styður við þátttöku í samfélaginu.

Félagsfólk Krafts sem hefur greinst með krabbamein, getur sótt um styrk úr Menntasjóði inn á vef Krafts (linkur í athugasemd).

Samhliða nýjum sjóði er félagið nú í fallegu samstarfi við Opna Háskólann sem býður félagsfólki 20% afslátt af fjölbreyttum námskeiðum sem kunna að nýtast því. Opni háskólinn í HR býður upp á námskeið og fræðslu fyrir fólk í atvinnulífinu. Að auki býður Opni háskólinn upp á sérhæfðar fræðslulausnir fyrir þau fyrirtæki sem eftir því óska, stærri og smærri.

Kraftur

Skógarhlíð 8
105 Reykjavík

Sími: 866-9600
Stuðningssími: 866-9618
kraftur@kraftur.org
Kennitala: 571199-3009
Bnr: 327-26-112233
VSK: 102941

Gerast sjálfboðaliði

Sjálfboðaliðar Krafts eru mikilvægur þáttur í starfsemi félagsins og geta hjálpað við ýmsa viðburði, perlun og annað eins.

Skrá á póstlista

Styrktu Kraft

Styrkja Kraft
Gerast Kraftsvinur
Styrktarkort
Minningarkort
Vefverslun

Fylgstu með okkur

© 2026 Kraftur.

Stuðningsfélag fyrir ungt fólk sem greinst hefur með krabbamein og aðstandendur

FRÆÐSLA
FÉLAGIÐ
ÞJÓNUSTA
FRÉTTIR
Dagskrá
VEFVERSLUN
English
Polski

Hafa samband
Styrkja Kraft
Opnunartími

Skráning í félagið Jafningjastuðningur Styrkur til lyfjakaupa Styrkja Kraft