Sími: 866-9600 - Stuðningssími: 866-9618 - Netfang: kraftur@kraftur.org

Styrkur til lyfjakaupa

Apótekarinn styður félagsmenn sem greinst hafa með krabbamein með því að kosta lyf og aðrar tengdar vörur. Lyfjastyrkurinn nær til lyfseðilsskyldra lyfja sem tengjast veikindum viðkomandi sem og vörur frá Gamla apótekinu.

Lyfjakostnaður er umtalsverður hjá þeim sem greinst hafa með krabbamein og þrátt fyrir að Sjúkratryggingar taki þátt í lyfjakostnaði, skv. reglugerð þar um, eru fjölmörg lyf sem krabbameinsgreindir þarfnast sem ekki eru niðurgreidd nema að hluta. Kraftsfélagar geta sótt um styrk til félagsins til kaupa á lyfjum sem tengjast sjúkdómi þeirra.

Apótekarinn

Þú sækir um Lyfjakort Krafts sem gildir í 2 mánuði í senn 

Hægt er að fá Lyfjakortið sent heim með pósti eða nálgast það á skrifstofu Krafts. Þegar sótt er um Lyfjakortið í fyrsta sinn þarf að skila inn læknisvottorði. Við minnum á að þegar lyfjakortið er notað þarf ávallt að framvísa persónuskilríkjum í Apótekaranum.

Þeir sem geta sótt um Lyfjakort Krafts þurfa að uppfylla eftirfarandi skilyrði: 

a. Séu félagsmenn í Krafti og hafa greinst með krabbamein
b. Vera á aldrinum 18-45 ára
c. Skili inn læknisvottorði frá krabbameinslækni.

Instagram#krafturcancer

© 2017 KRAFTUR - Skilmálar fyrir netverslun
Hannað og kóðað af Vefgerðinni