Framundan hjá Krafti

Klifur með Norðankrafti 7. nóvember: Kraftur býður félagsfólki fyrir norðan upp á skemmtilegan fjölskyldudag í 600 Klifur. Gullið tækifæri til að hrista upp í hversdagsleikanum og eyða tíma með fjölskyldunni og öðrum fjölskyldum í svipuðum sporum.

Flot fyrir aðstandendur 10. nóvember: Dásamleg stund þar sem djúpslökun, vellíðan og endurnæring er í fyrirrúmi.

Danssmiðja Krafts og R.A.A.F. dansst 14.-15. nóvember: Danssmiðjur fyrir fólk sem hefur greinst með krabbamein og aðstandendur þeirra. Verkefnið er hluti af Reykjavík Dance Festival, sem er í ár tileinkað tilfinningum. Smiðjurnar eiga að skapa rými þar sem við getum komið saman, hlustað á hvert annað, tengst eigin líkama og hvert öðru og gefið tilfinningunum rými til að vera. Þátttaka er á forsendum hvers og eins og dansinn verður til út frá samtali, trausti og sameiginlegri sköpun þar sem ólíkar raddir, hreyfingar, tilfinningar og reynsla fléttast saman. Skráning hér: https://www.abler.io/shop/kraftur25%2F1/product/Q2x1YlNlcnZpY2U6NjkwMzg%3D

Silkitónheilun með Stelpukrafti 17. nóvember: Kraftur býður stelpuhópnum að njóta silkitónheilunar með Helga Ómars í Eden Jóga. Náum djúpri slökun inn í taugakerfið okkar með hugleiðslu, kristalskálum, trommum og öðru tóndekri, fljótandi í silki.

Púðursykur með Strákakrafti 19. nóvember: Kraftur býður strákahópnum að gleyma sér í smá gleði á uppistandssýninguna Púðursykur.