Við ætlum að ganga hringinn í kringum Helgafellið í Mosfellsbæ. Hringurinn er um 6 km með um 150 metra hækkun. Gangan hentar flestum getustigum en fyrir suma væri gott að hafa meðferðis göngustafi.

Við ætlum að hittast hér 

Beygt er inn á Þingvallarveg frá Vestulandsvegi. Ekið er um 1,7 km þar til komið er að malarvegi á hægri hönd. Malarvegurinn er ekinn þar til komið er að gatnamótum, um 2,6 km og þar ætlum við að taka hægri beygju þar og er bílastæðið um 100m ofar á hægri hönd.

Endilega meldaðu þig á viðburðinn hér svo við getum áætlað fjöldann, því við viljum ekki skilja neinn eftir 

Ef þið viljið sameinast í bíla endilega látið okkur vita

Að klífa brattann er gönguhópur fyrir krabbameinsgreinda og aðstandendur sem kraftskonurnar Ragnheiður Guðmundsdóttir og G. Sigríður Ágústsdóttir stofnuðu, en þær hafa mikið notað útivist og fjallgöngur sér til endurhæfingar og sjálfseflingar í veikindum sínum.

Ragnheiður sér um að leiða göngurnar ásamt Atla Má Sveinssyni þjálfara FítonsKrafts.

Ragnheiður (sími: 663-9360)
Atli (sími: 663-2252)

Göngurnar henta öllum þeim sem hafa áhuga á að kynna sér göngur og íslenska náttúru og njóta þess að vera í hópi meðal jafningja. Kraftsfélagar, fjölskyldur þeirra, börn og vinir eru hjartanlega velkomin.