Skip to main content
Loading Viðburðir

« All Viðburðir

  • Þessi viðburður er liðinn.

Frestað um óákveðinn tíma – Kraftmikil strákastund á Kexinu

25. mars 2021 @ 20:00 - 22:00

Í ljós nýjustu sóttvarnareglna sem taka gildi á miðnætti 24.mars verðum við því miður að fresta Kraftmiklu strákastundinni um óákveðinn tíma, en munum halda hana um leið og aðstæður í samfélaginu leyfa.

Farið varlega og munið eftir persónulegum sóttvörnum.

Hjálpumst að við að halda þessu niðri ❤

Ert þú karlmaður og hefur greinst með krabbamein eða ert aðstandandi? Viltu heyra í jafningjum sem gengið hafa í gegnum svipaða reynslu? Þá mælum við eindregið með því að þú komir á Kex hostel fimmtudagskvöldið 25. mars klukkan 20:00.

Þá ætlum við strákarnir að hittast og þú getur komið og hlustað á jafningja sem skilja þig. Það getur verið gott að heyra hvernig aðrir hafa tæklað hlutina. Matti Osvald Stefánsson, markþjálfi, og Þorri Snæbjörnsson, sálfræðingur Krafts, munu leiða þessa kraftmiklu strákastund.

Einnig munu reynsluboltar koma og segja frá. Þar á meðal verða Kári Kristján Kristjánsson, landsliðsmaður í handbolta, sem mun segja frá sinni reynslu og sjokkinu við það að greinast tvisvar með æxli í bakinu. Pétur Helgason mun segja frá sinni reynslu en konan hans greindist með brjóstakrabbamein og  hélt Pétur fyrst að hann myndi geta græjað allt saman en svo fóru að koma upp óþægilegar tilfinningar, kergja og reiði. Arnar Sveinn Geirsson mun segja frá því hvernig hann gróf tilfinningar sínar eftir að hann missti mömmu sína úr krabbameini og hvaða áhrif það hefur haft á hann.

Eyþór Ingi mun svo troða upp með tónlistaratriði í lok kvölds.

Það verður tilboð á veitingastaðnum Flatus á Kex fyrir stráka sem mæta á svæðið.

Við mælum með að þú komir á þessa snilldar strákastund – taktu endilega með þér vin því við getum ábyggilega allir speglað okkur í einhverjum af þeim reynsluboltum sem munu stíga fram og segja frá sinni reynslu. En vegna fjöldatakmarkana þá verðið þið að skrá ykkur hér. 

Sjáumst á strákastundinni

Upplýsingar

Dagsetning:
25. mars 2021
Tímasetning:
20:00 - 22:00
Vefsíða:
https://forms.gle/wFbXd8KPpZareqLP9

Viðburðahaldari

Kraftur Stuðningsfélag
Sími:
866 9600
Vefsíða:
www.kraftur.org

Staðsetning

KEX hostel
Skúlagata 28
Reykjavík, Reykjavík 101 Iceland
+ Google Map
Vefsíða:
www.kexhostel.is