StrákaKraftur er stuðningshópur fyrir unga stráka á aldrinum 18 – 45 ára sem greinst hafa með krabbamein. Hópurinn hittist tvisvar í mánuði  ýmist í húskynnum Krafts, Skógarhlíð 8, eða annarsstaðar.

DAGSKRÁ NÓVEMBER:

1. NÓVEMBER – Boxæfing í Mjölni.

Hópnum býðst að fá góða útrás á boxpúðunum í Mjölni á léttri boxæfingu, sem hefst kl 18.00 og er í klukkutíma.

15. NÓVEMBER – Arena Gaming.

Hittumst í Arena Gaming og spilum saman tölvuleiki og fáum okkur pizzu á eftir.

29. NÓVEMBER – Útrás í Skemmtigarðinum.

StrákaKraftur hittist í Skemmtigarðinum í Grafarvogi kl 18:00 og fer í Útrásarherbergið, þar sem er í boði að brjóta allt og bramla. Að því loknu gæða menn sér á gæða hamborgara.

Umsjón með hópnum hefur Róbert Jóhannsson, félagsmaður hjá Krafti.

Frekari upplýsingar um viðburði verða settar inn á FB – hóp StrákaKrafts og er hægt að óska eftir inngöngu í hópinn hér.

Þegar maður er ungur og greinist með krabbamein skiptir svo miklu máli að vita hvert maður getur leitað og maður standi ekki einn í baráttunni.