Brjóstaskimun er rannsókn á einkennalausum konum. Markmið skimunar er að greina sjúkdóminn á byrjunarstigi, bjóða betri meðferðarvalkosti og koma í veg fyrir að konur látist úr brjóstakrabbameini. Skimun er ekki heildstæð rannsókn á brjóstakrabbameini og jafnvel þótt þú farir í skimun getur þú verið með eða fengið brjóstakrabbamein. Þar af leiðandi skaltu ávallt leita til læknis ef þú færð einkenni. Heilbrigðisyfirvöld mæla með skimuninni á grundvelli heildarmats á gagnlegum og skaðlegum áhrifum.
