Stefna
Kraftur er klúbburinn sem enginn vill vera í en við tökum vel á móti ungu fólki sem greinst hefur með krabbamein og aðstandendum, veitum þeim stuðning og reynum að létta þeim lífið með fjölbreyttri þjónustu. Kraftur vill vera þungamiðjan í storminum sem félagsmenn okkar geta alltaf leitað til, vitinn í þokunni sem vísar veginn og krafturinn sem knýr áfram breytingar í samfélaginu sem bæta hag og velferð félagsmanna okkar.
Við styðjum við félagsmenn okkar með því að halda úti jafningjastuðningi, hagsmunagæslu, öflugri fræðslu, fjárhagslegum stuðningi, samveru á jafningjagrunni, veita hagnýtar upplýsingar og stuðla að samvinnu félagasamtaka, heilbrigðisstarfsmanna og annarra sem koma að málefnum þeirra sem tengjast sjúkdómnum.
Gildin okkar
Stuðningur
- Við brennum fyrir því að styðja við okkar fólk
Lífskraftur
- Við höfum ástríðu, dugnað og vilja til þess að hafa áhrif og ná árangri
Heiðarleiki
- Við erum raunsæ á aðstæður krabbameinsgreindra og aðstandenda
Jákvæðni
- Við gleymum aldrei gleðinni
