Byrjenda hlaupanámskeið – FítonsKraftur

Næsta námskeið FítonsKrafts er í samstarfi við Náttúruhlaup – 4ra vikna hlaupanámskeið fyrir þá sem hafa aldrei hlaupið, eru að byrja aftur eða eru komnir í gang

Við ætlum að reima á okkur hlaupaskóna og koma okkur af stað fyrir sumarið og undirbúa okkur fyrir Lífið er núna hlaupið sem haldið verður 14. maí og komandi hlaupatíð í sumar. 

*Takmörkuð pláss í boði – skráning nauðsynleg – staðfestingargjald 3.500 kr.

Hlaupanámskeiðið fer fram tvisvar í viku og er skipt niður í upplifunarhlaup og gæðaæfingu.

Upplifunarhlaup
Á laugardögum kl. 10:00 eru farnar mismunandi leiðir og lögð áhersla á að njóta þess að skokka í fallegri náttúru. Reikna má með að æfingarnar taki 1-2 klst. Mæting er á mismunandi stöðum.

Gæðaæfingar
Gæðaæfingar fara fram einu sinni í viku á fimmtudegi frá kl. 17:30-18:30. Þessar æfingar fara allar fram á sama stað, miðsvæðis og lögð er áhersla á hlaupaþjálfunina. Æfingin sjálf er alltaf 1 klst.

Hlaupnámskeiðið er hugsað fyrir alla sem vilja auka styrk og þol og verður erfiðleikastig æfinga aðlagað hverjum og einum.
Markmið námskeiðsins eru ma. að hjálpa einstaklingum sem eru að taka fyrstu hlaupaskrefin sem og lengra komnum góðar æfingar og líkamsbeytingu til að ná betri árangri í hlaupum.

Þjálfarar: Birkir Már Kristinsson og Helga María Heiðarsdóttir
8 skipti
Upplifunaræfingar kl. 10:00-11:30/12:00
laugardagana 7. – 28. maí.
Gæðaæfingar kl. 17:30-18:30
fimmtudagana 12. maí til 2. júní.

Námskeiðið er opið öllum félagsmönnum Krafts en nauðsynlegt er að skrá sig.

Staðfestingargjald er 3.500 kr. en skráning fer fram hér 

Frekari upplýsingar er hægt að nálgast hjá Hrefnu í síma 866-9698 eða hrefna@kraftur.org