FítonsYoga frá streitu til slökunar

Hefur þig langað að prófa jóga en aldrei þorað? Hefur þú reynt að stunda jóga en það hefur aldrei orðið að venju? Eða ertu nú þegar ástfangin/nn af jóga og vilt nýta hvert tækifæri til að stunda það í góðum hópi fólks? Þá er þetta námskeið eitthvað fyrir þig!

Nýtt 4 vikna námskeið að hefst í FítonsYoga þann 9. september
Námskeiðið Frá streitu til slökunar er hugsað bæði fyrir byrjendur og lengra komna. Markmið námskeiðsins er að auka styrk og liðleika og hjálpa þér að slaka á í amstri dagsins. Þú munt fá tæki og tól til að hjálpa þér að vera í meðvitund með eigin líkama. Hentar bæði fyrir þá sem eru í krabbameinmeðferð eða eru að byggja sig upp eftir veikindin sem og fyrir aðstandendur.

Eina sem þú þarft ert þú sjálf/ur og föt sem þægilegt er að hreyfa sig í. Dýnur verða á staðnum, en þú mátt að sjálfsögðu mæta með þína eigin. Námskeiðið er félagsmönnum okkar að kostnaðarlausu. 

Pála Margrét kennir námskeiðið, en hún hefur lokið 500 klst. jógakennaranámi í Tælandi. Hún hefur sjálf notað jóga til að koma sér í gegnum erfið veikindi og nýtist sú reynsla henni við kennsluna.