FítonsYoga – nýtt byrjendanámskeið

Hefur þig langað að prófa jóga en aldrei þorað? Hefur þú reynt að stunda jóga en það hefur aldrei orðið að venju? Eða ertu nú þegar ástfangin/nn af jóga og vilt nýta hvert tækifæri til að stunda það í góðum hópi fólks? Þá er þetta námskeið eitthvað fyrir þig!

Nýtt byrjendanámskeið að hefjast í FítonsYoga þann 4.mars – 3.apríl. 
Námskeiðið er hugsað bæði fyrir byrjendur og lengra komna, þar sem allir ættu að finna eitthvað við sitt hæfi. Markmið námskeiðsins er að auka styrk og liðleika, auk þess að læra hugleiðslu og öndunaræfingar. Þó verður mest lagt upp úr því að búa til stund fyrir sjálfa/n þig og að ná góðri slökun í lokin.

Námskeiðið er hugsað fyrir félagsmenn, krabbameinsgreinda og aðstandendur. Eina sem þú þarft ert þú sjálf/ur og föt sem þægilegt er að hreyfa sig í. Dýnur verða á staðnum, en þú mátt að sjálfsögðu mæta með þína eigin. Námskeiðið er félagsmönnum okkar að kostnaðarlausu. 

Pála Margrét kennir námskeiðið, en hún hefur lokið 500 klst. jógakennaranámi í Tælandi. Hún hefur sjálf reynslu af því að komast í gegnum vefjagigt með jóga, og hefur sú reynsla haft áhrif á það hvernig hún kennir jóga.