Kaffihúsakvöld og Crazy Sexy Cancer

Næsta kaffihúsakvöld Krafts verður haldið miðvikudaginn 16.janúar og í þetta skiptið ætlum við að horfa á heimildarmyndina Crazy Sexy Cancer.

Myndin segir frá leikkonunni Kris Carr sem greindist með sjaldgæfa tegund af krabbameini árið 2003. Í ljós komu 24 æxli í lifur og lungum, sjaldgæft krabbamein á fjórða stigi, hæg vaxandi og óskurðtækt. Einn af mörgum læknum sem hún hitti lagði til að hún breytti algjörlega um lífstíl til að auka lífslíkur hennar. Hún ákveður að taka þetta alla leið og er myndin um hennar vegferð. Kris Carr lifir enn, með öll æxlin sín og við hestaheilsu. Enginn grátkór, þvert á móti!

Að myndinni lokinni verður spjall en kaffihúsakvöldin eru fyrir ungt fólk sem greinst hefur með krabbamein og aðstandendur til að geta hitt aðra í svipuðum sporum og spjallað.

Fulltrúar frá Krafti taka vel á móti ykkur yfir rjúkandi heitum kaffi/tebolla og annarri hressingu 🙂 Ef þið hafið einhverjar spurningar getið þið haft samband í síma Krafts 866-9600

Sjáumst í Krafti yfir rjúkandi heitum bolla í kósý stemmingu!

Hér er hægt að sjá meira um heimildarmyndina.