- Þessi viðburður er liðinn.
Lífið er núna Festival
10. september 2022
Nú er loksins komið að þessu !!!
Lífið er núna festivalið verður haldið hátíðlega 10. september næstkomandi á Hótel Hilton. Þetta er árshátíð fyrir félagsmenn okkar þar sem við komum saman og fögnum lífinu. Sannkölluð veisla þar sem við verðum með vinnustofur um daginn og þrusu partý um kvöldið.
Við héldum festivalið síðast árið 2019 sem heppnaðist stórkostlega og því ætlum við að endurtaka leikinn.
Lífið er núna Festivalið er einstakur vettvangur til að hitta jafningja, læra nýja hluti, fræðast, skemmta sér með öðrum og skapa frábærar minningar.
Það verða ýmsar vinnustofur um daginn og þú getur valið m.a.:
👉 Öndunar og kuldaþjálfun með Andra Iceland
👉 Björgvin Páll handboltamaður segir frá sínum áskorunum innan og utan vallar
👉 Gong og streitulosun frá Jógasetrinu
👉 Fítonsæfing með leynigesti
👉 Vöxtur í mótlæti og jákvæð sálfræði, vinnustofa með Guðrúnu Snorradóttur markþjálfa
👉 Núvitund og samkennd, námskeið frá Núvitundarsetrinu
👉 Afródans með Dans Africa Iceland
👉 KraftsYoga með Yoga Shala
👉 KynKraftur vinnustofa með Kristínu kynlífsmarkþjálfa og Áslaugu kynfræðingi
👉 Frábær framkoma með Önnu Steinsen
👉 Fjárfestu í framtíðinni – Fortuna Invest
👉 Og margt fleira spennandi sem verður auglýst síðar hér
Ekki má gleyma að við verðum svo með þrusu partý um kvöldið þar sem við bjóðum upp á fordrykk og mat. Jóhann Alferð uppistandari stígur á stokk, Stuðlabandið heldur uppi mögnuðu stuði og DJ Atli Kanill þeytir skífur.
Til að tryggja þér pláss þá þarftu að skrá þig núna. Skráningarfrestur er til og með 1. september. Staðfestingargjald er 3.500 kr. og er það eina sem þú þarft að borga fyrir allan daginn. Innifalið eru allar vinnustofur, morgunhressing, hádegismatur, kaffi, aðgangur í Spa-ið á Hótel Hilton og svo kvöldmatur og þrusuball um kvöldið.
Félagsmenn af langsbyggðinni munu fá ferðastyrk og gistingu á Hilton sér að kostnaðarlausu.
Tilboð í gistingu á Hótel Hilton fyrir þau sem vilja.
Þessi viðburður er einungis fyrir félagsmenn í Krafti. En ef maki þinn, fjölskyldumeðlimur eða vinur er í Krafti þá er um að gera að hnippa í þau og hvetja þau til að mæta líka.
