Perlað af Krafti með Akureyringum

Akureyringar verða við áskorun Eyjamanna.
Munu Akureyringar hreppa Perlubikarinn?

Kraftur leggur leið sína norður og perlar með Akureyringum, ÍBA, Þór og KA í Íþróttahöllinni á Akureyri sunnudaginn næstkomandi 6.maí frá kl. 13-17.

Við skorum á alla Akureyringa að mæta á svæðið til þess að ná perlubikarnum af Eyjamönnum.
Armböndin eru í íslensku fánalitunum og verða seld til stuðnings Krafti og munu einnig sýna samstöðu með íslenska fótboltaliðinu á HM. Armböndin eru með áletruninni „Lífið er núna“ og eru auðveld í samsetningu svo að allir geta tekið þátt, börn sem fullorðnir.

Eyjamenn perluðu 1538 armbönd á fjórum tímum og þurfa Akureyringar að ná því til að eiga möguleika á að hreppa perlubikarinn. Perlubikarinn hlljóta þeir viðburðarhaldarar sem að ná að perla sem flest armbönd.

Við hvetjum alla Akureyringa sem og leikmenn og stuðningsmenn KA, Þór og ÍBA að taka þátt í þessu skemmtilega verkefni með okkur. Öll armböndin eru perluð í sjálfboðavinnu og því mikil hugsjón bakvið hvert armband. Allur ágóði af sölu armbandanna rennur til Krafts – stuðningsfélag fyrir ungt fólk sem greinst hefur með krabbamein og aðstandendur og er hægt að kaupa armböndin líka strax á staðnum.

Það verður að sjálfsögðu heitt á könnunni og hlökkum við til að sjá ykkur sem flest

KOMIÐ OG PERLIÐ AF KRAFTI ♥