Það getur verið áskorun að takast á við lífið eftir krabbamein. Margir ætla sér um of og vilja jafnvel vinna upp glataðan tíma og gera því óraunhæfar kröfur til sín. Þú þarft kannski að setja þér ný raunhæf markmið því annars gætirðu upplifað vanmátt og efasemdir um eigin getu. Það tekur oft tíma fyrir fólk að kynnast sér upp á nýtt eftir veikindi og hvaða takmarkanir það þarf á takast á við ef einhverjar. Sýndu þolinmæði og skilning, þetta tekur allt sinn tíma.
