Að klífa brattann – Reykjadalur

Laugardaginn 15. júní ætlar gönguhópurinn Að klífa brattann að ganga upp í Reykjadal fyrir ofan Hveragerði. Mæting er við Olís við Rauðavatn kl. 10:30 og sameinast þar í bíla.

Reykjadalur er einn fjölsóttasti náttúrulegi baðstaður landsins í afar fögru og friðsælu umhverfi.
Fyrst er gengið upp hæðir er nefnast Rjúpnabrekkur og fellur þá Reykjadalsá í gili til vinstri er nefnist Djúpagil. Eftir að hafa gengið yfir nokkra ása og gil er komið niður í Reykjadal. Hér er fagurt um að litast og má segja að það rjúki hveragufa undan hverjum steini. Dalurinn endar í Klambragili og eru þá rúmir 3 kílómetrar að baki.
Fyrir þá sem vilja baða sig í ánni takið með ykkur sundföt og handklæði.

Frábær ganga fyrir fyrir alla til að geta tekið þátt 🙂
Kraftsfélagar, fjölskyldur þeirra, börn og vinir eru hjartanlega velkomin.

Að klífa brattann er gönguhópur sem Kraftskonurnar Ragnheiður Guðmundsdótttir og G. Sigríður Ágústsdóttir leiða en þær hafa báðar notað útivist og fjallgöngur sér til endurhæfingar og sjálfseflingar í veikindum sínum.
Göngurnar henta öllum þeim sem hafa áhuga á að kynna sér göngur og íslenska náttúru og njóta þess að vera í hópi meðal jafningja.

Ragnheiður (sími: 663-9360) og Sirrý (sími: 660-4407)

Þú getur fylgst með okkur á Facebook og beðið um inngöngu í hópinn hér: https://www.facebook.com/groups/472685906595268/