AðstandendaKraftur

AðstandendaKraftur er vettvangur fyrir aðstandendur sem eiga ástvin sem greinst hefur með krabbamein. Aðstandendahittingar eru einu sinn í mánuði á fimmtudagskvöldum frá kl. 19-21 í húsnæði Krafts, Skógarhlíð 8.

Þegar einhver í kringum þig greinist með krabbamein er það mikið áfall og getur kallað á ýmsar spurningar. Ef þú ert maki eða náinn aðstandandi getur það haft í för með sér verulegar breytingar á þínu lífi. Þá getur verið gott að hitta aðra í sambærilegum sporum sem deila svipaðri reynslu.

Dagskrá haust 2024

September
19. september: Samkennd í eigin garð. Heiða Brynja sálfræðingur mun fjalla um gagnsemi samkenndar í eigin garð og veita aðstandendum innsýn inn í aðferðir sem getur hjálpað til við að takast á við breyttar aðstæður. Boðið verður upp á spjall í lokin.

Október
30.október: Að eiga maka sem greinst hefur með krabbamein. Guðrún Eggerts sálgætir hjá Kærleikshorinu mun vera með erindi um þær breytingar sem verða í samböndum og í lífinu þegar maki manns greinist með krabbamein. Richard Ottó O´Brien mun deila af eigin reynslu en kona hans greindist með brjóstakrabbamein árið 2022.

Nóvember
21. nóvember: Bjargráð fyrir aðstandendur. Lóa Björk Ólafsdóttir hjúkrunarfræðingur hjá Ráðgjafaþjónustu Krabbameinsfélagins gefur aðstandendum nokkur góð bjargráð fyrir aðstandendur.

Desember
12. desember: Eflum þrautseigju. Anna Steinsen hjá KVAN fjallar um hvernig þrautseigja er ekki meðfædd en heldur manni við efnið og rekur mann áfram í átt að því að klára þau markmið sem við setjum okkur og hvernig hægt er að efla hana með sjálfum sér.

Frekari upplýsingar um viðburði verða settar inn á Facebook hóp AðstandendaKrafts og er hægt að óska eftir inngöngu í hópinn hér

Umsjón með hópnum hefur, Guðlaug Ragnarsdóttir, náms- og starfsráðgjafi sem hefur einnig reynslu af því að hafa sjálf greinst með krabbamein. Hægt er að hafa samband við hana í gegnum gudlaug@kraftur.org eða í síma 866-9600