AðstandendaKraftur – Hvernig tekst ég á við kvíða?

Þriðjudaginn 13.október kl. 17:30 ætlum við að skoða kvíða og hvernig við getum tekist á við hann. Flesti þeir sem standa í þeim sporum að eiga aðstandanda sem er að glíma við lífsógandi sjúkdóm kannast við kvíða og ótta sem fylgir þessu verkefni. Kvíði er eðlileg viðbrögð við óeðlilegum aðstæðum, en hvenær er kvíði orðinn hamlandi og hvernig er hægt að vinna sig út úr kvíða. Við höfum fengið Huldu Jónsdóttir Tölgyes sálfræðing frá Kvíðameðferðarstöðinni í hóp með okkur, og ætlar hún að fara aðeins fyrir kvíðaviðbrögð og bjargráð við kvíða.

Við ætlum að eiga rólega stund saman í húsnæði Ráðgjafaþjónustunnar og ætlum við að enda kvöldið á opnum umræðum þar sem öllum þeim sem vilja, fá tækifæri til að kynna sig og deila sinni reynslu.
Við þekkjum það öll sem lendum í þessum sporum hversu ómetanlegt það getur verið að tala við aðra sem hafa verið í svipuðum sporum. Áttu eða hefur þú átt ástvin sem greinst hefur með krabbamein? Ef þú ert maki eða náinn aðstandandi getur það haft í för með sér verulegar breytingar á þínu lífi þar sem ýmsar spurningar geta vaknað og getur verið erfitt að vera til staðar fyrir þig og aðra á sama tíma. Það eru fleiri í þínum sporum. AðstandendaKraftur var stofnaður af aðstandendum fyrir aðstandendur og hvetjum við alla til að mæta.  Við verðum í Ráðgjafarþjónustu Krabbameinsfélagsins, Skógarhlíð 8. Boðið verður upp á léttar veitingar.
Endilega meldaðu þig hér