AðstandendaKraftur – Pizzakvöld

Áttu eða hefur þú átt ástvin sem greinst hefur með krabbamein? Ef þú ert maki eða náinn aðstandandi getur það haft í för með sér verulegar breytingar á þínu lífi þar sem  ýmsar spurningar geta vaknað og getur verið erfitt að vera til staðar fyrir þig og aðra á sama tíma. Það eru fleiri í þínum sporum.

Opið aðstandendakvöld verður haldið í fyrsta sinn þann 16.október kl. 17:30 í Ráðgjafarþjónustu Krabbameinsfélagsins, Skógarhlíð 8. Boðið verður upp á pizzur og eru allir aðstandendur velkomnir hvort sem þú ert maki, fjölskyldumeðlimur, samstarfsaðili eða vinur.

Nokkrir aðstandendur munu deila reynslu sinni og opna þar með umræðuna. Þeir munu segja frá því hvernig krabbamein hefur haft áhrif á þeirra líf og hvernig þau hafa tekist á við þá áskorun. Þeir aðstandendur sem munu deila eru stuðningsfulltrúar í Stuðningsnetinu, þar á meðal einstaklingur sem var ungur þegar móðir hans greindist með krabbamein, og tveir makar og mæður.

Með þessu kvöldi viljum við einnig heyra frá ykkur hvort þörf sé á sérstökum hóp sem hlúir að aðstandendum og með hvaða hætti.

Hlökkum til að sjá ykkur!