FítonsJóga

Fimmtudaginn næstkomandi 26.október stendur FítonsKraftur fyrir jógatíma í Heilsuborg sem er félagsmönnum Krafts opinn og að kostnaðarlausu.
Tíminn byrjar kl. 17:30 til 18:30. Heilsuborg er til húsa að Bíldshöfða 9, Höfðinn.

Elín Skúladóttir mun leiða tímann. Hún lærði til yogakennara í Bretlandi fyrir rúmum áratug. Hún hefur einnig að mestu lokið meistaranámi í íþróttafræði við HÍ. Í upphafi sigldi Elín um höfin blá á skemmtiferðarskipi og kenndi yoga en síðan hún kom í land hefur hún kennt hot yoga í Hress í Hafnarfirði. Elín er sjálf meðlimur í “the awesome club that nobody wants to join”.

Fyrri hluti tímans verður tileinkaður sólinni eða kraftinum, þá flæðum við úr einni stöðu í þá næstu og virkjum kraftinn í okkur. Seinni hluti tímans verður tileinkaður mánanum eða mýktinni. Teygjum, slökun og læknandi möntrunni “Om Shree Dhanvantre Namaha”.