Hefur þú misst maka? – Kynningarkvöld Ljónshjarta

Hefur þú misst maka? Það getur verið rosalega gott að hitta aðra sem eru í sambærilegum sporum.

Í samvinnu við Ljónshjarta ætlar Kraftur að bjóða félagsmönnum sínum sem hafa misst maka á erindi hjá Ljónshjarta. Samtökin kynna lauslega starfsemi sína og verður Sigríður Kristín með erindi um fyrstu tvö árin eftir makamissi. En Sigríður starfar sem Fríkirkju prestur í Hafnarfirði og hefur mikla reynslu að vinna með fólki í sorg.  Erindið er einungis ætlað þeim sem hafa misst maka en auðvitað getur þú tekið með þér náinn vin eða ættingja til stuðnings. Léttur kvöldverður í boði ásamt kaffi og með því.

Í framhaldi af viðburðinum er hægt að skrá sig í sorgarúrvinnsluhóp sem Sigríður Kristín mun stýra. Tveir hópar verða í boði og mun annar þeirra vera fyrir þá sem misst hafa vegna langvarandi veikinda.