Kraftsslökun

Kraftsslökun hentar öllum, og er engin þörf á fyrri þekkingu eða reynslu af jóga. Markmiðið er að liðka líkamann og slaka síðan vel á, eftir vinnuvikuna. Taktu þennan klukkutíma frá fyrir þig, það er sannarlega þess virði.

Kraftsslökun er hugsuð fyrir félagsmenn, krabbameinsgreinda og aðstandendur. Eina sem þú þarft ert þú sjálf/ur og föt sem þægilegt er að hreyfa sig í. Dýnur verða á staðnum, en þú mátt að sjálfsögðu mæta með þína eigin. Kraftsslökun er félagsmönnum okkar að kostnaðarlausu.

Pála Margrét leiðir slökunina, en hún hefur lokið 500 klst. jógakennaranámi í Tælandi. Hún hefur sjálf reynslu af því að komast í gegnum vefjagigt með jóga, og hefur sú reynsla haft áhrif á það hvernig hún kennir jóga.

Frekari upplýsingar veitir Pála Margrét: palamargret@hamingjujoga.is