- Þessi viðburður er liðinn.
Perlað af Krafti á Laugarvatni og Styrktar Bingó!
4. október 2018 @ 18:00 - 22:00
Kraftur leggur leið sína austur og perlar með Laugvetningum og nágrenni fimmtudaginn 4. október kl. 18.00 – 20:00 í matsalnum í Menntaskólanum að Laugarvatni. Einnig verður haldið styrktarbingó í samstarfi við Háskólann á Hólum frá kl. 20.00-22.00.
Með því að taka þátt í viðburðinum eru þið að hjálpa okkur að standa við bakið á ungu fólki sem greinst hefur með krabbamein og aðstandendum þess þar sem armböndin eru seld til styrkar félaginu.
Armböndin sem um ræðir eru í litum Krafts, appelsíngul og svört. Armböndin eru með áletruninni „Lífið er núna“ og eru auðveld í samsetningu svo að allir geta tekið þátt, börn sem fullorðnir.
Við hvetjum Laugvetninga og nærbyggð að taka þátt í þessu skemmtilega verkefni með okkur. Öll armböndin eru perluð í sjálfboðavinnu og því mikil hugsjón bakvið hvert armband. Allur ágóði af sölu armbandanna rennur til Krafts – stuðningsfélag fyrir ungt fólk sem greinst hefur með krabbamein og aðstandendur og er hægt að kaupa armböndin líka strax á staðnum.
Þetta er skemmtileg stund fyrir alla fjölskylduna og tilvalið tækifæri að láta gott af sér leiða og að sjálfsögðu verður heitt á könnunni!
KOMIÐ OG PERLIÐ AF KRAFTI 
