- Þessi viðburður er liðinn.
Perlað af krafti með Krafti
11. nóvember 2018 @ 13:00 - 17:00
Margir hafa beðið í ofvæni eftir svörtu armböndunum og eru þau LOKSINS komin. Verða þau perluð af Krafti á Hilton hótel Nordica sunnudaginn 11.nóvember frá kl. 13 – 17.
En tekið skal fram að Hilton gefur krafta sína með að veita félaginu húsnæði og aðstöðu fyrir perluviðburðina.
Með því að taka þátt í viðburðinum eru þið að hjálpa okkur að standa við bakið á ungu fólki sem greinst hefur með krabbamein og aðstandendum þar sem armböndin eru seld til styrkar félaginu.
Armböndin verða í forsölu á staðnum en koma þau í takmörkuðu upplagi og eru í svörtum og metallitum. Armböndin eru með áletruninni „Lífið er núna“ og eru auðveld í samsetningu svo að allir geta tekið þátt, börn sem fullorðnir.
Við hvetjum alla til að mæta á Hótel Hilton og taka þátt þessu skemmtilega verkefni með okkur. Öll armböndin eru perluð í sjálfboðavinnu og því mikil hugsjón sem liggu bakvið hvert armband.
Allur ágóði af sölu armbandanna rennur til Krafts – stuðningsfélag fyrir ungt fólk sem greinst hefur með krabbamein og aðstandendur.
Þetta er skemmtileg stund fyrir alla fjölskylduna og tilvalið tækifæri að láta gott af sér leiða og að sjálfsögðu verður heitt á könnunni!
KOMIÐ OG PERLIÐ AF KRAFTI ♥
