Allar konur fá svar úr skimun inn á island.is og ætti svar að berast 2-4 vikum eftir skimun.
Ef grunur leikur á að um krabbamein sé að ræða að skimun lokinni færðu boð um frekari skoðun (klíníska brjóstamyndatöku) innan 14 daga.
Sérskoðun á brjóstum er gerð á Brjóstamiðstöðinni og færðu bækling um þá rannsókn með tímabókuninni frá samhæfingarstöðinni.
Ef þú afþakkar klínísku brjóstamyndatökuna færðu samt sem áður boð í nýja brjóstaskimun eftir 2 ár.
