Við í Krafti látum ekki deigan síga þrátt fyrir að það séu meiri samkomutakmarkanir. Við hugsum alltaf í lausnum og því erum við með nokkra vefviðburði og hugmyndir að skemmtilegri útivist.
Sóli Hólm ætlar að vera með rafrænt pepp í nóvember og Jakob hjá Kvan verður með rafræna fræðslu um mikilvægi útiveru á andlega og líkamlega líðan. Þorri sálfræðingur býður nú upp á viðtalstíma í gegnum netið og hægt er að bóka tíma hjá honum hér og Stína, markþjálfi, býður líka upp rafræna tíma. Sendu endilega póst á Atla þjálfara FítonsKrafts til að fá fjarþjálfunarprógramm og halda áfram að þjálfa þó við getum ekki æft saman þessa dagana.
Nú er mikil áhersla lögð á útiveru og hreyfingu og því höfum við tekið saman skemmtilegar leiðir og hugmyndir að útivist. Endilega kíktu á þetta og deildu með okkur á Instagram og/eða Facebook myndum af þér og þínum að njóta útiverunnar með #kraftur og/eða #lífiðernúna. Ef þú vilt hlusta á áhugavert hlaðvarp meðan á útivist stendur mælum við náttúrulega með Krafts hlaðvarpinu og svo erum við líka komin í samstarf við flottustu DJ-a landsins sem að hafa sett saman þrusugóða playlista sem finna má á Spotify lista Krafts.
Hér getur þú líka hlaðið niður dagskránni í nóvember.
