Gallup framkvæmdi nýverið könnun þar sem svarendur gátu fengið gjafabréf fyrir þátttöku sína eða valið að styrkja Kraft í stað þess að þiggja gjafabréfið. Fjölmargir nýttu sér að styrkja frekar Kraft og fékk félagið því styrk frá Gallup að upphæð 150.000 krónur nú á dögunum.
Við þökkum Gallup og svarendum innilega fyrir stuðninginn sem mun svo sannarlega koma að góðum notum í starfi okkar í þágu ungra einstaklinga sem greinast með krabbamein og aðstandenda.
Á myndinni má sjá Sóleyju Valdimarsdóttur hjá Gallup afhenda nöfnu sinni Sóleyju Kristjánsdóttir stjórnarmeðlimi Krafts styrkinn.
