Lífið er núna strætóinn er kominn á göturnar. Við erum í skýjunum yfir því að núna rúllar Lífið er núna strætóinn um götur höfuðborgarinnar sem minnir okkur svo sannarlega á að staldra við og njóta augnabliksins.
Um rafvagn er að ræða svo nú geta allir skottast í strætó og notið lífsins á umhverfisvænan máta. Strætóinn er hluti af árvekni- og fjáröflunarátaki Krafts – Hver perla hefur sína sögu – sem minnir okkur á að njóta lífsins í dag. Vagninn prýðir einnig Lífið er núna armbandið sem er til sölu inn á www.lifidernuna.is, í völdum Krónuverslunum, vefverslun Krónunnar, Karakter í Smáralind og Company’s í Kringlunni, og Kúnígúnd á Akureyri. Utan á og inni í vagninum er einnig QR kóði sem fólk getur smellt mynd af og þannig nælt sér í Lífið er núna armband til styrktar ungu fólki sem greinst hefur með krabbamein og aðstandendum.
Strætó, LogoFlex og Áberandi eru sérlegir styrktaraðilar Krafts í þessu skemmtilega verkefni og þökkum við þeim kærlega fyrir.
