Kæru Kraftsvinir í ljósi aðstæðna á Íslandi höfum við ákveðið að loka skrifstofunni hjá okkur á meðan á samkomubanni stendur sem og fresta viðburðum á vegum félagsins. Við verðum að sjálfsögðu við símann og hægt er að hafa samband við sálfræðing félagsins og markþjálfa í gegnum símaviðtöl.
Við viljum tryggja það eftir mestum mætti að skjólstæðingar okkar séu hultir gagnvart Covid 19 veirunni og er þetta liður í því.
Símatími sálfræðings verður alla virka daga milli klukkan 9 og 16. Símanúmer sálfræðings er 866-9618 Einnig er hægt að senda tölvupóst á salfraedingur@kraftur.org.
Símatími markþjálfa verður alla virka daga milli klukkan 9 og 16. Hægt er að panta símatíma í gegnum tölvupóst eldmodur@eldmodurinn.is
Hægt er að fá fjarþjálfunarprógramm hjá þjálfara FítonsKrafts á meðan að FítonsKraftur verður ekki starfræktur með eðlilegum hætti. Sendið póst á fitonskraftur@kraftur.org.
Einnig er alltaf hægt að hringja í síma 866-9600 á skrifstofutíma milli 9 og 17 eða senda tölvupóst á kraftur@kraftur.org varðandi fyrirspurnir eða annað sem fólk vantar upplýsingar um.
Enn verða lyfjakort afgreidd en það getur tekið lengri tíma þar sem þau verða bara send í pósti. Hægt er að sækja um lyfjakortin hér.
Við vekjum athygli á umræðuhópunum okkar á Facebook sem eru bæði fyrir unga krabbameinsgreinda sem og aðstandendur. Það getur verið virkilega hjálplegt að tala við aðra sem hafa gengið í gegnum svipaða reynslu og það á ekki síst við á tímum sem þessum.
Varðandi pantanir í vefverslun getið þið óskað eftir því að þær verði sendar í pósti en því miður er ekki hægt að sækja vörur á skrifstofuna. Hafðu samband í tölvupósti kraftur@kraftur.org eða í síma 866-9600.
Við munum endurmeta stöðuna hjá okkur strax eftir páska og látum ykkur að sjálfsögðu fylgjast með.
Farið vel með ykkur og passið upp á hvert annað.
