- Þessi viðburður er liðinn.
Að klífa brattann – Búrfellsgjá
24. apríl 2021 @ 11:00 - 12:30
Næsta ganga gönguhópsins Að klífa brattann verður laugardaginn 24.apríl kl. 11:00.
Skemmtileg og þægileg gönguleið sem sýnir okkur hversu fallegan svip jarðhræringar setja á náttúruna rétt fyrir utan borgarmörkin – einstök gönguleið. Gangan er að mestu á láglendi og einungis 50m hækkun og 5-6 km. Gengið er að gígnum og ræður fólk hvort það vilji labba upp á gíginn eða bíða við gjánna. Útsýni er fínt, við horfum yfir Húsfell, Valahnúka og Helgafell, Kaldársel og Vífilsstaðahlíð.
Falleg náttúra og skemmtileg ganga fyrir fyrir alla til að geta tekið þátt. Gott er að taka með sér smá hressingu.
Endilega meldaður þig á viðburðinn hér.
Ekið er Elliðavatnsvegi og beygt inn á Heiðmerkurveg. Þar er keyrt meðfram Vífilsstaðahlíð dágóðan spotta, eftir að malbiki sleppir, áður en komið er að krappri vinstri beygju, er bílastæði á hægri hönd. Þar munum við hittast og hefja göngu.
Að klífa brattann er gönguhópur sem Kraftskonan Ragnheiður Guðmundsdóttir leiðir en hún hefur notað útivist og fjallgöngur sér til endurhæfingar og sjálfseflingar í veikindum sínum. Göngurnar henta öllum þeim sem hafa áhuga á að kynna sér göngur og íslenska náttúru og njóta þess að vera í hópi meðal jafningja.
Ragnheiður (sími: 663-9360)
Þú getur fylgst með okkur á Facebook og beðið um inngöngu í hópinn hér
Kraftur á Instagram
#krafturcancer
