Flotnámskeið – Slökun, vatn og vellíðan

Um námskeiðið:

Þér er boðið í ferðalag inn í draumkennt ástand þyngdarleysis og djúpstæðrar tengingar við umvefjandi faðm vatnsins. Slakandi og nærandi námskeið undir handleiðslu Flothettu.

Hver stund er þematengd og stendur sem sjálfstæður viðburður þar sem að við tökum fyrir mikilvæg atriði á leið okkar í átt að aukinni sátt, kyrrð og meðvitund. Við lærum að gefa eftir og tengjast vatninu á djúpstæðan hátt og nálgast vatnið sem andlegan kennara. Markmiðið er að flæða saman með vatninu í fullkominni eftirgjöf og finna að krafturinn býr í kyrrðinni.